Avèn tóutis ensèn
Decida la pinturo
De la novo veituro
Qu'an coumanda mi gènt.

Bluio, diguè ma maire.
Blanco, diguè moun paire.
Verdo, faguè Liounèu.
Roujo, venguè Miquèu.

Lou marchand èro gènt.
Diguè, lis iue risènt,
"N'ai rèn qu'uno pèr l'ouro :
A lou gris di tourtouro."

Oh ! oh ! diguè ma maire.
Ah ! ah ! diguè moun paire.
Hoù ! hoù ! faguè Liounèu.
Eh ! eh ! venguè Miquèu.

"Dequé voulès dounc dire,
Faguè lou marchand gènt,
Emé sis iue risènt,
Sarias pèr vous desdire ?"

Noun ! noun ! diguè ma maire.
Nàni ! diguè moun paire.
Eto ! faguè Liounèu.
Osco ! venguè Miquèu.

Aro, tóutis ensèn,
Amiran la pinturo
De la novo veituro
Qu'es l'ourguei de mi gènt.

Miquèu COURTY, Pouemenet pèr l'enfantuegno, 1986