divers - Nostradamusretour

reviraduro
nostradamus
L'an 2003 fuguè marca pèr l'anniversàri d'un di Prouvençau li mai couneigu dóu mounde. S'agis, segur, de Miquèu de Nosto-Damo, escais-nouma Nostradamus... Aquest ome d'eléi tiro d'uno vièio sagato prouvençalo d'óurigino jusiolo, que se counvertiguè au catoulicisme au mitan dóu siecle XVen. Es à-n-aqueste moumen que prenguèron pèr noum aquéu de Nosto-Damo, pèr fin de faire mai crestian...
nostradamus
Lou grand Nostradamus nasquè à Sant-Roumié, lou 14 de desèmbre 1503. Dins aquelo viloto, agroupado contro lis Aupiho, e qu'es tant fiero de sis Antico e de Glanum, se mostro encaro uno muraio emai uno fenèstro qu'aurien fa partido de l'oustau di Nosto-Damo. Après agué fa sis estùdi à la facurta de Mount-Pelié e pièi agué proun barrula, Nostradamus anè restat à Seloun, de l'autre coustat de la mountagno. Es aqui que faguè si libre, en particulié li famóusi « Centuries », que coumencè de faire parèisse en pichot fascicle, entre 1556 et 1559. Aquéli d'aqui ié faguèron talamen de reclamo que la rèino Catarino de Medicis ié demandè de mounta à Paris en 1555. La mort dóu rèi Enri II, en 1559, faguè un estapèu terrible. Es que quatre an aperavans, tant, Nostradamus aurié anouncia l'evenimen... Lou pountificat de noste prouvençau fuguè pamens enca mai grand quouro lou rèi Carle IX, acoumpagna de sa court, venguè lou vesita en setèmbre 1564. Es à-n-aquéu moumen que lou devinaire aurié vist de lou pichot Enri de Navarro, un jour, devendrié lou rèi que dounarié neissènço à la dinastìo di Bourboun...
nostradamus
Co qu'es segur, es que ses capito gaire eisa de pièi trouva la verita dins la majo-part di pouemenet esouteri que faguè Nostradamus !... Certo, n'i'a que soun fièr de dire que ié soun arriva. Mai que fuguèsse pèr li guerro moundialo, la fin dóu relard Coumunisto e dóu ridèu de Fèrri o li guero en Iraque, tout acò se devinè soulamen... un cop que li causo se fuguèsson de-bon arrivado !...
nostradamus
Defunta lou 2 de juliet 1566, Nostradamus sarié estabousi de vèire coume es devengu famous. Lis Japounés et lis American afeciouna d'esouterisme vènon en colo vesita soun oustau trasfourma en musèu emai sa toumbo. E soun 500en centenàri fuguè festeja coume se duvié pèr li vilo de Sant-Roumié e de Seloun...