li recèto - La soupo de pèisretour

Ingrediènt

Pèr 4 persouno :

  • mié kilò de pichoun pèis (girello, roucau, sarran, rascasso, quàuqui favouio, chàmbri vo fiéupelan
  • òli d'óulivo
  • uno cebo
  • uno poumo d'amour
  • un pessu de farino
  • un bouquet de fuoio de lausié, fenou, grueio d'aràngi, un pau de bouénis-erbo
  • de froumàgi raspa

Preparacioun

Acoumenças pèr faire reveni dins de bono òli d'óulivo, uno cebo ém' uno poumo d'amour chaplado; acò fa, ajustas lou pèis en qu farés douna quàuqui tour sus lou fiò, pourrés lia em' un pessu de farino avans de vueja dins lou poueloun dous litre d'aigo caudo. A-n'aquèu moumen: assesounas, metès un bouquet de fueio de lausié, fenou, grueio d'aràngi, un pau de bonis-erbo, e fasès boui! Leissas couire tres quart d'ouro.

Prenès alor un autre poueloun ; plaças dedins, un cravèu, e dins lou cravèu uno servieto; vuejas lou pèis aqui dintre, leissas escoula lou bouioun e esquichas lou pèis tant que pourrés en sarrant la servieto; bagnas quàuqui fes emé lou bouioun pèr faire rendre tout lou jus bon.

Remetès sus lou fué, esperas lou boui, e vuejas dins lou bouioun miejo-liéuro de gros vermichèli, d'acquéli di trauca. Safranas: s'avès la man un pau lourdo, acò li fa rèn ! Leissas couire vint minuto.

En servissènt, óublidès pas lou sietoun de froumàgi raspa !

soupo de peis

soupo de peis