Li debuto de l'atualo prefeituro Vareso fuguèran forço moudèste. Meme se despièi sèmpre, Ii batèu duguèron seguramen trevasa rado pèr se ié metre à la sousto, i'aguè jamai, aqui, pas ges de causo impourtanto avans l'age mejan. Uno viloto s'establiguè pamens dins l'encountrado tre Ii tèms antique, que devenguè meme lou sèti d'un evesque au siecle 5en. Mai aquéu Toulon proumieren fuguè souvènt piha au moumen de la pountannado forço dura de l'aut age mejan. La Prouvènço dóu Levant èro alors de-Iongo devastado pèr Ii Sarrasin, istala dins soun petouliet de la Gardo-Freinet. Es soulamen quouro aquéli d'aqui fuguèron foro-bandi pèr lou Comte Guihèn lou Liberatour, en 972, que touto l'encountrado retroubè enfin la pas.
Es l'aneissioun de Prouvènço à la Franço que fara la fourtuno de Touloun. Li rèi Capecian ié dounèron pau à cha pau la voucacioun que sara desenant siéuno, valènt-à-dire d'èstre lou grand port militàti francés èn Mieterrano. Tout acò, pamens, se faguè plan-plan. Touloun coumencè aquéu prefa au moumen di guerro d'Itàli. Mai sauto lou reinage de Francés 1é, la ciéuta s'encapè talamen mau desfendudo que Carle Quint la prenguè proun eisadamen dous cop, 1524 et 1636. Es Enri IV que coumencè de-bon à basti de fourtificacioun mai grosso, emai un arsenau militàri. Tout acò estènt représ pèr Richelieu, lou proujèt fuguè acaba en plen pèr Louvis XlV. Lou port s'atrouvè talamen bèn adouba que pousquè resista à-n-un sèti en 1707, au moumen de la guerro de sucessioun d'Espagno.
Reialisto souto la Revoulucioun, la vilo se dounè is Anglés dins l'estiéu de 1793. Es au moumen dóu sèti mena pèr reprene lou port que se faguè counèisse un jouine óuficié d'artiharié que ié disien Napouleoun Bounaparto. Un cop représ, Touloun fuguè castigado e perdiguè sa founcioun de cap-liò dóu despartamen, dounado à Draguignan. La coulounisacioun dóu siecle 19en dounè enco mai d'impourtanço au role militàri de Touloun, que fuguè maca pèr de boumbardamen au moumen de la segoundo guerro moundialo. S'estènt forço espandi après lis annado 1960, Touloun es mai devengudo prefeituro dóu Var en 1974.
